قرار عاجل على السريع المستعجل من سياده اللواء المبجل حبيب العادلى من منع أى مواطن من أن يتمنى الموت لمبارك و تم تخصيص أداره مباحث الأمنيات بأعطاء الضوء الأخضر للظباط المكلفين بالعمل فى أداره مباحث الأمنيات من تفتيش نيه أى مواطن بدون اذن سابق من النيابه و على أساس ذلك تم تحويل الصحفى إبراهيم عيسى رئيس تحرير جريده الدستور للتحقيق لمخافته الماده 666 من قانون الأمنيات المحظوره و قد أدت الملكه سوزان مبارك بتصريح بأن حضره الملك زى الحصان و لسه هايكبس على قلبكو بتاع من 10 ل 15 سنه مستنده بأن العائله المالكه عائله رياضيه طحن و أدلى الأمير جمال مبارك تصريح قال فيه ” صحه بابى الملك جامده موت حتى ده عمره ما شال سنه تاتش وود ” !!!!!.
و قد تم أتهام الجمعاه المحظوره ( الأخوان ) و حماس فلسطين و أم أحمد مرات حسن سوبيا بتهم أثاره الرأى العام و اهانه رئيس الجمهوريه و أهانه العائله المالكه و أثاره القلق بين الشعب المصرى علشان الشعب بيحب الملك جداا و هايزعل لو مات .
عزيزى المواطن أحذر من الأمنيات المشبوهه قد تعرضك للتعذيب أنت و أهلك و الأعتقال مدى الحياه .
فكره التدوينه جاتلى من مدونه مقاومه
11 Comments
Comments RSS TrackBack Identifier URI
Leave a comment
حلوة!!!! حتى الأماني مش من حقنا
بتفكرني برواية 1984 لجورج أوريل و اللي بتتخيل نظام مستبد يحكمه “الأخ الأكبر” و فيه عنده جهاز شرطة اسمه “شرطة الأفكار” شغلتها تحاسب الناس على أفكارها
بجد حلوة جدا يامحمد وفعلا احنا مش بنتمنى الموت لجلالة الملك احنا بنتمنى نثور عليه وعلى استبداده ونطيح بعرشه الظالم…فليسقط الطاغية المستبد
تخيلو الحكومه بعتت مخبريين للجوامع فى رمضان علشان ألى يدعى على مبارك أنه يموت يعتقلوه ده بأه يبقى أسمه أيه
عندك حق هو ده الي ناقص انااا واحد صحبي بيقلي تسدق انا بنتي لسه مقرودة في الابتدائي وشيفه الجزيرة والي بيحصل فيهاا وكلامه مع مراته من ارتفاع الاسعار الخخخخ
السؤال هو آيه
بتقولة
بابا ليه ماتعملوش ثورة علشان تشيلوا الناس الي بيغلووو العيش زي كتب التاريخ
بيقلي انا ضحكت
بس هم يضحك وهم يبكي
هو الناس مستسلمة ليه ؟؟؟؟؟ !!!!!!!! ديه طبيعه الشعب المصري وله خايفين من عصاية العدلي وله الفقر وله مش فارئه معاهم وله حسين انها مش بلدهم ديه بلد سكان مارينا
طب ما عندنااا لبنان
الموضوع ده عاوز رساله دكتوراة
ياله العواف عليكم
هههههههههههههههه
اية الكلام ده
هي الحاجة ام أحمد مرات عم حسن سوبيا اتهموها
يا نهار ابيض
يا خبر مش فايت
ازاي
الله يخرب بيوتهم
بس بجد حلو اوي البوست ده يا محمد
بس خلي بالك لا انا ولا ام احمد مرات عم حسن لينا دعوة بيك لو اتقفشت بتهمة اهانة الشعب المصري
عارف لية يا فالح
انت قلت ان الشعب بيحب الملك جدا وهايزعل لو مات
لا مش كفاية
اسمها الشعب بيحب الملك جدا جدا جدا جدا وكمان جدا
وهايموت نفسة وراه لو مات
اهو كدة انت اديت الشعب حقة
هههههههههههههههههههههههههههه
سلام
اقلي صحيح
اية نوع الحلاوة اللي بتحبها
اصلي انا هابقي اجيبلك حلاوة بس من غير عيش
اصل زي ما انت عارف دلوقتي العيش بقي عملة نادرة في البلد
ومش معقول هاجيب عيش لواحد زيك خارج عن القانون وبيهدد الامن العام وبيسب الشعب المصري
هههههههههههه
الصورة دي بقى مليش دعوة بتاعتي .. هه .. اخبارك ايه يا باشا .. ايه الكلام الجامد دة
انا عايزة أقولك انهم مش هايقبضوا علينا بس علشان بنتمنى موت سعادة الباشا الكبير صاحبنا
دة علشان احنا كمان بتدور في اذهانا فكرة انه هايموت ، كأنها سبة بقى شتيمة في الذات الملكية مع الاعتذار لليبراليين
كل سنة و انت طيب
و الصوره برده مش بتاعتى حتى اسألهم يا بيه ما تقولو يا جماعه للباشا ألى عنده نبطشيه مراقبه المدونه بتاعتى أن مش أنا ألى عملت الصوره ديه
و الليبراليين قبلو أعتذارك ساره
اخبارك ايه يامحمدانا خالد الكلام ده عجبني جدا بس لو تلاحظ ان الكل بيتكلم ولا حد بينفز اي حاجه يعني انت اتكلم وانا اتكلم ونسيبه دايس فيها براحته
مافائدة البروج المشيدة أمام قدرة الله ؟
http://www.alqaly.com
Women’s Forum, Forum Harem, Madam Forum, Islamic forum Audio – lectures – songs – the agenda – Video and Iemat – accidents and crimes – and oddity of the events
http://www.alqaly.com
Women’s Forum, Forum Harem, Madam Forum, Islamic forum Audio – lectures – songs – the agenda – Video and Iemat – accidents and crimes – and oddity of the events