حريق حزب الغد – القصه كامله — elghad party Arson – full story -

المؤتمر السنوى الخامس : إشتغالات و إفتكاسات 2008 ” soon “


نحو أنطلاقه جديده هدفها الرقى بمصر و العمل على
إصلاح الوضع الأقتصادى و السياسى المصرى و حول توقعات قرارات المؤتمر السنوى الخامس
للحزب الوطنى ليعرض إنجازاته السابقه و مقترحاته للمستقبل و سيكون هذا المؤتمر فعلا
أنطلاقه لنا نحن المصريين  أنا عن نفسى اليوم ده مش هاسمع منهم أى حاجه و لا أكن
فيه مؤتمر ولا حاجه هما هايملو قاعات المؤتمر بألاف الجنود و موظفيين الشركات و ألى
بياخد 10 جنيه عل نفر و يقوم جايب أبوه و أمه و أخواته و يقولهم هاخركو عند ماما
سوزان  .. الحزب الوطنى الذى لم يوفى بأى من وعوده لنا نحن المصريين و نثق تماما أن
ليس للحزب الوطنى أى شعبيه من أفراد الشعب ” العاديين ” و أن جميع أصواته نتاج ما
يتم شرائه بأموال رجال الأعمال الذين هم نفسهم نواب الحزب الوطنى فى البرلمان و
الغريبه كمان أنهم هما نفسهم ألى مسيطريين على إقتصاد البلد من حديد و أسمنت و
إتصالات كمان سيراميك وسكر و قمح و … و غيره


و علشان نحس إن البلد بتتحرك بينا يبقى لازم نخرج من
سكوتنا المزمن ده و نرفض الوضع الحالى بالفعل مش بالكلام  فيه مئات الجروبات ألى ضد
سياسه الحزب الوطنى و الأحزاب ضد الحزب الوطنى و معظم المجتمع المدنى فى مصر عباره
عن معارضين للنظام الحالى بس مرتاحوش فى الأحزاب الفاشله الحاليه و قالو نلعب من
حته تانيه .


و بمناسبه الفكر الجديد الذى صمم على أن معارضته
الحاليه هى جماعه الإخوان المسلمين و رئيس حزب شفتو طلع مزور – طبعا الكلام ده مش
مظبوط و جماعه الإخوان المسلميين وصلت للمجلس بهذا العدد طبقا لخطه موضوعه من الحزب
الوطنى ليقنع الغرب بأن بقائه هو السبب فى خمول نشاط الجماعات المتعصبه زى الإخوان
المسلميين و لإحساسه بأن المعونات و الدعم الأجنبى بدأ فى الأتجاه للتيارات
الليبراليه لفقدان الأمل فى النظام الحالى بأن يخطو أى خطوه للأمام  مش خوفا علينا
أكيد لا علشان متحصلش أزمه أقتصاديه تقلب بأزمه سياسيه فى مصر فالمنطقه تنزعج  و
جيرانا مش بيحبو الإزعاج .


لازم
نقف وقفه مصريه و علشان نقدر نعيش كلنا يبقى لازم
حوار السلبيه بتاع أهلنا و عدم المشاركه فى القرار و إحنا مالنا يا بنى ما ألى يحكم
يحكم . .  مش شرط أنه يكون ليا فى السياسه علشان أشارك فى الجو السياسى بتاع بلدى
أنا مواطن عادى مهما كان طبقتى الإجتماعيه كده كده الوضع السياسى و الإقتصادى بيأثر
عليا واحد يقول بدل ما كنت أركب هيونداى دلوقتى ب 60 ألف كان من 7 سنين كان ممكن
أركب بيهم
bm
وواحد تانى لسه متخرج بيتفحت 12 ساعه شغل و بيقبض متوسط 1500 يادوبك يروح الشغل و
يخرج مرتين فى الشهر و أقلب و باقى الشهر يكح شوفو ده لو كان بيقبض نفس المبلغ من 7
سنين ولا العيش دلوقتى 3 أرغفه بجنيه كلنا متأثريين من الغنى للفقير إحنا الشعب
الوحيد ألى بيتحصر على أيام زمان و الزمن الجميل إحنا قلنا كده مش علشان أن الزمن
ده مش هايجى زيه لائه علشان مجاش بعده ايام أحسن منه كل العالم بيقدس زمن المسقبل
علشان هما فى تطور و رفاهيه مستمره يعنى هما بكره أضافه لحضارتهم و عندنا إحنا بسبب
عبطنا بكره ده يوم غلس ملوش ملامح من خلقته هاتقله أيه ألى جابك و هاتتحصر على حالك
أمبارح علشان أنت الدنيا بتتغير حواليك و أنت قاعد و أخرك بتتكلم .

صراع الحضارات مابين الرفض و الواقع :

صراع الحضارات مابين الرفض و الواقع :
الأعلام العربى يحاول دائما منع تداول مفهوم صراع الحضارات القائم بين الغرب بتقدمه و تمسكه بمبادئ حقوق الأنسان و الديمقراطيه و الشرق بأصوليته و مبادئه الرديكاليه التى تتعارض مع حقوق الأنسان و الديمقراطيه لأنهم يرو أن حقوق الأنسان و الديمقراطيه ستكون خطرا كبير على الأسلام السياسى الذى يعتمد على مبادىء قديمه جامده لا تقبل التطور و التحديث .
فنجد أن هناك حضارتين حضاره الغرب المتمسكه بالتقدم و الرقى و حضاره الشرق الأوسط المتمسكه بمبادىء عصور مضى عليها أكثر من 1400 عام .
نبذه عن مفهوم صراع الحضارات :
أشهر من تحدثوا عن صراع الحضارات هو الدكتور وعالم المستقبليات المغربي المهدي المنجرة في أوائل التسعينيات ثم جاء الباحثان صامويل هنتجتون وهو أمريكي الأصل

والثاني هو فرانسيس فوكوياما الياباني الأصل والأمريكي الجنسية، ألأول وهو صامويل هنتجتون كان في صيف عام 1993م نشرت له مجلةForeign Affairs”” مقالاً بعنوان “صدام الحضارات” أثار جدلاً استمر ما يقرب من ثلاث سنوات حيث أنه لمس عصباً في أناس ينتمون إلى جميع حضارات العالم، وبعد هذا الاهتمام والجدل الذي دار حول المقال، طبع هنتنجتون كتابه بعنوان ” صراع الحضارات” والذي تناول فيه عدة أمور

هامة كمفهوم الحضارات، مسألة الحضارة الكونية العلاقات بين القوة والثقافة، ميزان القوى المتغيرة بين الحضارات، العودة إلى المحلية والتأصيل في المجتمعات غير الغربية، البنية السياسية للحضارات .
لمن لا يستوعب مفهوم الحضاره :
عندما نسمع كلمه الحضاره يتعقد البعض أن عصر الحضارات أنتهى و هذا هو شعور

الأنسان الشرقى الذى لم ينل قسطا كافيا من التعليم لأن الحكومات الشرقيه تخشى من التعليم خوفا من أن عقول المواطنين تتطلع نحو التقدم و التطور و ينسو المبادىء الأصوليه التى يحاولو أن يزرعوها فى المواطن العرب منذ بدايه ولادته فسنجد أن الأنسان العربى و المصرى سيجدو صعوبه فى تفهم كلمه حضاره و سيعتقدو أنها مفهوم أنتهى ولا يوجد شىء أسمه حضاره الأن و لكن لو نظر الأن فسنجد أن هناك عده حضارات حاليه مثل الحضاره الأمريكيه التى لها أجنده خاصه بها تختلف عن باقى دول العالم و الحضاره الأوروبيه التى تعد نفسها لكى تكون أكبر حضاره عرفها التاريخ الأنسانى و أتوقع قيامها قريبا بعد أنهيار الحلم الأمريكى الذى لن يطول أكثر من نصف قرن و الحضاره العربيه البدائيه التى تتمثل فى دول الشرق الأوسط و الأن كله يعد جيوشه لكى ينهى الحضاره الأخرى المسلمين يتمثلون فى تنظيم القاعده و حركات المقاومه مثل حماس و حركات الأغتيالات و هدم الأنظمه المدنيه مثل جماعه الأخوان المسلمين و أمريكا بجيوشها لا تحتاج وصف و الأتحاد الأوروبى بجيوشه .

و من يتمعن النظر فى الأعلام الحالى سيجد أن كل حضاره تحاول تجنيد أكبر عدد من العقول فالحضاره العربيه البدائيه مثلا تبث سمومها المتعصبه عن طريق القنوات الفضائيه مثل ما يسمى بقناه البركه و قناه الناس و أقرأ و غيره و الكثير من هذه القنوات تعترف أنها تأخذ دعم مباشر من تنظيم القاعده و القنوات الغربيه أيضا تحاول تجنيد المزيد من العقول عن طريق عرض تطورها و تقدمها من خلال منتجاتها التى نراها يوميا و محاوله ترجمه جميع الأعمال الأعلاميه بالعربيه لأحساس الشاب العربى أنه متخلف و لم يرى فى دنياه شيىء و أن يقارن بين التعصب الدموى الذى توفره له حضارته العربيه و بين مراعاه حقوق الإنسان و الحريات التى يعيشها المواطن الغربى فى حضارته الغربيه .

ما كان يخشاه الباحثين من أن يتحول صراع الحضارات إلى صدام الحضارات و هذا بالفعل ما حدث فالحضارات لم تتفق العرب مازالو مصريين على تمسكهم بمبادىء غير قابله للتحديث و التطور و الحضارات الأخرى تتمسك بالتطور و تخشى من أن يقوم

العرب ببدائيتهم و دمويتهم أن يكونو عقبه أما مسيره التقدم التى يخضوها فما نراه من تفجيرات أنتحاريه على الأراضى البريطانيه و الكثير من الدول الأوربيه و ما نراه من حرق سفارات بسبب رسوم كاركاتير فكل ذلك يجعلهم يقلقون و للأسف بمجرد من أن الصراح و صل لحد الصدام فالنتيجه ستكون لغالب واحد فمن سيكون هل سيفوز العرب ببدائيتهم و دمويتهم و افكارهم الجهاديه أم سيفوز الأخريين بالتكنولوجيا و التطور و حقوق الأنسان و الديمقراطيه ؟
—–
محمد عبد الحى
http://ar.shvoong.com/law-and-politics/politics/political-philosophy/1782087-%D8%B5%D8%B1%D8%A7%D8%B9-%D8%A7%D9%84%D8%AD%D8%B6%D8%A7%D8%B1%D8%A7%D8%AA-%D9%85%D8%A7%D8%A8%D9%8A%D9%86-%D8%A7%D9%84%D8%B1%D9%81%D8%B6-%D9%88/

الرسوم المسيئه . . إسائه أم إختبار

الرسوم المسيئه . . إسائه أم إختبار

share_data={max_recipients:20}


نعلم جيدا بموضوع الرسوم الكاركاتير التى رسم فيها النبى محمد عليه السلام و تم أعاده نشر الرسوم بعد أن طبعت من قبل من حوالى عاميين و قد أحدثت هيجان فى الشوارع العربيه حيث أعتبر المسلمين أن رسم النبى محمد عليه السلام و هو حامل لقبعه بها قنبله موقوته أهانه مباشره لمعتقدهم الأسلامى و البعض الأخر قال أن مجرد رسم النبى محمد عليه السلام يعتبر أهانه و أسائه للنبى محمد و الأسلام و المسلميين .

و أن هذه المره أعادو نشر الصور فى جميع الصحف الدنيماركيه و لم يبالو بما حدث من حرق سفارات و أحداث شغب و غضب جامح بالشارع العربى.

دعونا نننظر للموضوع من مره أخرى و نسأل أنفسنا ؟

إذا كان نشر الرسوم بسبب اللأستفذاذ فلماذا يريدون ذلك ؟ فل من مصلحتهم أن يستفذو المسلمين أى هل يريدون المذيد من الكره فى الشارع الأسلامى فهل هذا فى مصلحتهم ؟

ومن ناحيه أخرى يمكنا أنا نسأل أنه من الممكن أن تكون الرسوم تم عملها بهدف توصيل رساله للشرق الأوسط ؟ و هل هم سيقيسون أمر ما على رد الفعل الذى سيحدث عند وصول هذه الرساله لهم ؟؟ أحتمال ليه لاء
ياريت أعرف رأيكو هل فعلا أن الهدف من الرسوم إسائه للمسلميين أم هدفها أختبار شىء ما ؟؟؟

الرسوم المسيئه . . إسائه أم إختبار

إحتلال حماس لمصر !!!

طبعا كله هايقفش عليا من رأيى بس عادى بأه .
موضوع دخول الفلسطنيين الإراضى المصريه الموضوع ده داخل فيه 3 أطراف :
الحكومه الإسرائيليه .
حماس ( فرع جماعه الإخوان المسلمين بفلسطين )
مــصر ألى هى المفروض بلدك يعنى قبل ماتقرى كلامى حط مصلحتك الأول و بعد كده شوف مصالح البقيين ده لو عايز اصلا .
== الحكومه الإسرائيليه :
إسرائيل عملت حصار غزه و هم متأكدين تماما من أن أهالى قطاع غزه مش هيلاقو منفذ ليهم بعد ما تخلص من عندهم أساسيات المعيشه زى الأكل و الشرب و السجاير و باقى الحوارات .
إسرائيل سهلت أن قطاع غزه يدخله فلوس كتير من إيران و التمويل ألى جه من الدول العربيه .
الفلسطنيين بقو معاهم فلوس كتييييييييير بس معندهمش حاجه يشتروها بالفلوس .
حماس قالت نعمل أيه . . نعمل أيه .
== حماس ( فرع جماعه الإخوان المسلمين بفلسطين ) :
طول حماس ( فرع جماعه الإخوان المسلمين بفلسطين ) بتحاول تدخل مصر بدعم من الإخوان عندنا فى أى مشكله علشان تجبرها أنها تكون فى قلق سواء باه الأسلحه ألى بتتهرب أو العمليات التفجيريه بتاعت سينا – الأحزمه الناسفه هاتيجى منين أقرب جماعه إرهابيه لينا على الخريطه هى حماس !!!!!!!!!!!!!!!!!!!!!!
المهم حماس خلو الناسء و الأطفال فى المقدمه علشان لو المصريين دافعو عن حدودهم يبقى يتقال أننا بنضرب فى أطفال غزه و يعملولنا حوار .
المهم الريس بتعنا خد قرار بس أنا شايفه قرار مش سليم أنه سمح ليهم بالدخول بعد ما دمرو الفاصل الحدودى بالجرارات .
فيه أكتر من 40 ظابط مصر أصيب و منهم اصابات خطيره أغلبهم يعنى و 12 أتكلو دول ضربو علينا نار يا حماس فين بأه الدين ده إحنا بنساعدكو تقومو تموتنا الناس بتعونا .
دم المصريين دول أيه نظامه هايروح كالمعتاد .
المهم الموضوع تطور دلوقتى :
أكتشاف حزام ناسف فى تاكسى – المصرى اليوم
القبض على 3 فلسطنيين متهربين من العريش و مسكوهم فين فى بنى سويف – الأهرام
و الإخوان نازلين فى توتر داخلى أنت يا إخوان لما كان عندك الحريه أنك تعمل مظاهرات كسرت الشوارع و المحلات و العربيات ده أنت يا مسلم يا متبع أخلاق الرسول تقوم تضر المواطنين بأنك تتلف أملاكهم طب لو أنت مخنوق من الحكومه تضرنا إحنا ليه هو إحنا ناقصينكو عندنا ألى بيضايقنا أكتر منكو و هو الجهل ألى نشرتوه زى الفيروس عندنا .
المهم من الحوار ده المفروض لو الإخوان مصريين و خايفيين على مصالح مصر يبطلو الهبل ده و المظاهرات ديه علشان أجهزه الأمن مش نقصاكو ياريت يروحو يحرسولنا العريش إنشا الله يبعتو اللمليون عسكرى ألى وزاره الداخليه .
== شعب الله المحتار ( مصر )
المفروض إننا بقى نبطل ألى بنعمله كلنا دلوقتى علينا خطر و خطر على الحدود متستهونوش بالمصيبه معنى أن الألاف يقتحمو حدود بلد ده أسمه إحتلال أيوه ألى حد ديه حرب و الجيش المصرى استسلم فيها نظرا لأسباب إنسانيه بس هما مرعوش ده .
اهالى العريش دلوقتى عايشيين فى كارثه المنتجات الغذائيه قلت كيلو اللحمه وصل ل 100 جنيه و لتر البنزين وصل ل 4 جنيه و ده خلص الفلسطنيين كلو وشربو كل حاجه حتى البنزين و لو الحكومه بعتت أمدادات للعريش المصيبه هاتكتر علشان نقص المنتجات ده ضغط علشان يرجعو تانى قطاع غزه و الضحيه المواطن المصرى ألى مش لاقى ياكل .
الحكومه المصريه عرضت أنهم يرجعو القطاع و هما هايمدوهم بكل حاجه بس حماس و لبإخوان بيدرسو عمل مخيمات للفلسطنيين فى العريش علشان يخلو مصر تضغط على إسرائيل علشان تفك حصار غزه شوفتو بأه أنهم ضرونا فى سبيل تحقيق مصلحه ليهم شفتو بأه أدى حماس و أدى الإخوان .

الشريط الحدودى بعد أن تم هدمه بالجرارات التابعه لحركه حماس


جرافات حماس تخترق الفاصل الحدودى

توسيع بناطيل البنات مين المسؤل

جروب توسيع بناطيل البنات أنا بحمل عبد الناصر المسؤليه :
و أنت مالك تلبس ضيق تلبس واسع و متلبسش بنطلون أصلا أنت مريض نفسى مش أكتر و الكبت الجنسى الى عندك جننك أنت ألى بتقول وسعو بناطيل البنات و أنت نفسك ألى بتتحرش بالبنات الى يقول البنات قللات الأدب ماشيين عريانيين طب هاتولى واحد من الناس الحلويين ألى بيقولو كده و أراهن أن أمه كانت بتروح الجامعه بالميكرو جيب أيام الستينات و السبعينات ولا نسيتو أحنا كنا عندنا وعى أزاى و هو عيب أن البنت تكون أستايل و لا أنتو عايزيين البنات يمشو فى خيم منقبين و ساعتها الشعب كله هايبقى زى السعوديه مهوس بالجنس و مش معنى أن البنت أو الولد نضاف و بيهتموا بنفسهم يبقى قللات الأدب و الله أسوء بنات أخلاقيا شفتهم فى حياتى كانو محجبات و منقبات يعنى متحكموش على البنت من طريقه لبسها هى حره مش معنى أن البنت بتلبس أستيل معين أو على موضه معينه يبقى هدفها الوحيد الأغراء مش أغراء فى معظم الأحوال : )
أعتقد أنه البنات من الطبيعى عندهم أنهم يشدو الأعجاب و كل واحده ليها وجهه نظر فى الموضوع ده فمتظلمهاش أنت و تحكم عليها من وجه نظرك المكبوته علشان الكبت ده أحنا ألى صنعناه من أيام نظام عبد الناصر ألى قتل جوانا كل حاجه جميله و إنسانيه خلانا أحنا ألى مصعبين الجواز و أحنا ألى بنفصل البنات عن الولاد و هما صغيريين و أحنا ألى نمسك العيال أول يوم فى الجامعه و نقعد نشحنهم بأفكار و عادات عفى عنها الزمن أبوك و أبويا مكنوش زينا كده أسأل أبوك عن الدنيا كانت عامله أزاى فى الستينات و أوائل السبعينات لما كان الفكر الليبرالى متقتلش على ايد عصابه الإنقلاب العسكرى .
و أعتقد أن الموضه ساعتها عند البنات كانت ميكروجيب و كان الشباب محترمين علشان كان فيه وعى و ثقافه و كل واحد بيحترم حريه الأخر لكن دلوقتى لو لقيت بنت لبسه مينى جيب تحت الركبه كمان و مشيت فى الشارع هتلاقى فيه طابور ماشى وراها أنتو عارفين ده معناه أيه معناه أننا بنتأخر مش بنتقدم .
لكن هانقول أيه ألفين رحمه على الحريه . . .

الصوره ديه إهداء من للزعيم الراحل صاحب الناصريه عدو الحريه الزعيم جمال عبد الناصر


لماذا فشل الليبراليون و نجح المتعصبون :

أعلم جيدا أن هذا المقال سيثير غضب الكثير من مدعى الليبراليه و الذين يتواجدو فى الأحزاب السياسيه أما الليبرالين الذين رفضوا أن يشتركو فى المهزله التى قامت بها الأحزاب المدعيه الليبراليه سيتفهمون وجهه نظرى و عموما أنا أنسان بقول رأيى و حق الرد مكفول لأى إنسان .
الساحه السياسيه فى مصر تشهد مجموعه من الأحزاب و مجموعه من الحركات و جماعه الإخوان المسلمين التى أختلطت بالأحزاب و بحركات الشارع .

1 – حزبالوفد : يعتبر حزب الوفد رائد الليبراليه فى مصر بس ده كان زمااااااااان و الوفد دلوقتى شايف أن الندوات المغلقه و الصالونات و تذكر أمجاد الماضى هى الأنشطه التى يجب أن يقوم بها الحزبف فقط … و لن أتحدث عن الصراعات الداخليه للوفد لأنها لم تأثر على شرعيه الحزب فالصراعات ليست السبب فى أنهيار مبادىء الوفد الليبراليه و أنهيار الوفد داخليا يعتبر من أهم العوامل التى أدت إلى أنهيار الليبراليه السياسيه فى مصر .

2 – حزب الجبهه الديمقراطيه : منذ عده أشهر قررت أن أتلحق بحزب الجبهه الديمقراطيه و كان عندى أمل كبير بنجاح هذا الحزب لأنه كان يمتلك أغلب مقومات النجاح مثل : الحزب على صله جيده بالحزب الحاكم – إعلان الجبهه بأن الحزب علمانى ليبرالى و لم يخف مثل الدكتور أيمن نور مؤسس حزب الغد – أقبال عدد كبير من الشباب العادى الذى لم يلوث فكره فى أى أحزاب سابقه – وجود مجموعه من رجال الأعمال الناجحين مما يوفر جو ملائم للعمل بدون مشاكل ماليه .
المقومات السابقه أنا رايتها من الخارج قبل أنضمامى للحزب و من الطيبعى أنه عندما يندمج الشخص بمكان فتره معينه فأنه يكتشف الجديد عن هذا المكان فلاحظت أن حزب الجبهه بالرغم من أنه يمتلك مجموعه لا بأس بها من مقومات النجاح فأنه لن ينجح أبدا لأن الحزب ليس له مبدأ واضح وصريح قيادات الحزب لا تعلم هل الحزب حزب معارض أم حزب أصلاحى يترددون دائما خوفا من أن يفقدو مكانهم فى قائمه الأصدقاء و يضافوا للقائمه السوداء .

مجموعه من أعضاء حزب الجبهه الديمقراطيه

وجهه نظرى الشخصيه أن حزب الجبه سيظل الوضع فيه كما هو عليه و لن يفعل شىء لأننا نعرف من مبادىء أ – ب سياسه أن السياسى لابد أن يكون له مبدأ واضح و صريح ولا أعتقد أن هذه الصفه متواجده فى قيادات حزب الجبهه و أتمنى أنه عندما يحل قيادات جديده مكان الحالين أن يكونو سياسيين بمعنى الكلمه .

3 – حزب الغد : أعذرونى لا يصلح أن تقول حزب الغد الليبرالى لا يمكن أضافه كلمه ليبرالى لحزب يسرد فى الماده الثانيه من برنامجه نصيحه دينيه و لايصح أن نقول على حزب ليبرالى وجهه نظره الأقتصاديه أشتراكيه أنا كنت منضم لحزب الغد من 2004 حتى نهايه النصف الأول من عام 2007 تعلمت هناك الكثير لا أنكر ذلك الوضع فى حزب الغد مختلف كثيرا عن الوضع فى أى حزب لأن أعضاء الحزب لم يدخلو الغد لمجرد أنهم مقتنعين ببرنامج الحزب أو معجبين بأنشطه الحزب هما دخلو الحزب لمجرد أنهم معجبين بشخصيه الدكتور أيمن نور و أغلبهم لم يروا أيمن نور و لكنهم فقط تأثروا بالحمله الأعلاميه للغد لا أنكر أن هناك القليل جدا من الليبراليين بالغد و أكثرهم فى محافظه الأسكندريه التى أعتبرها حزب متكامل .
و المستوى الثقافى السياسى لأغلب أعضاء الغد منخفض فأغلب الأعضاء هم من دائره الدكتور ايمن نور بباب الشعريه ولا أقصد أهانه بكلمه أنخفاض المستوى الثقافى السياسى فمن الممكن أن نجد عالم ذره ليس مهتم بالسياسه فيمكن أن نطلق عليه جاهل سياسيا .

مجموعه من أعضاء حزب الغد

حزب الغد لم يستغل الهوجه الأعلاميه لنشر الليبراليه و لكن أستغلها فقط للأعلان عن الدكتور أيمن و لم يظهر غيره فأعضاء الحزب كان هدفهم الأول و الأخير هو تلميع الدكتور أيمن أعلاميا و لم يلتفتو للأفكار الليبراليه لأنها لم تراود عقولهم أصلا .
حزب الغد مات فى اللحظه التى أتولد فيها و لن يستطيع أن يقوم من جديد لأنه لا يملك أى بند من بنود مقومات الحزب السياسى أعتقد أنهم من الأفضل أن يطلقو عليه حركه الغد الشعبيه أعتقد أنهم فى ذلك الوقت سيكونون أكثر وضوح و صراحه بدل من أدعائهم الدائم لليبراليه و التلصق بها .

مجموعه من أعضاء حزب الغد

بعد أن أنتهيت من طرح وجهه نظرى فى فشل الأحزاب الليبراليه و عرضت الأسباب التى أراها سأنتقل لنقطه هامه جدا أدت لموت الفكر الليبرالى فى مصر و هو ظهور الجماعه الدينيه السياسيه جماعه الإخوان المسلمين .

الإخوان المسلمين : الإخوان المسلمين جماعه عمرها كبير و لها تاريخ حافل بالأغتيالات السياسيه و غيره و لكن الإخوان لم يظهرو بهذه الصوره الفعاله على الحياه السياسيه إلا فى الأعوام الثلاثه الأخيره فمنذ نجاحهم الساحق فى الأنتخابات البرلمانيه لعام 2005 فهم أنضموا لقمه القائمه السياسيه فى مصر و هناك الكثير من العوامل التى أدت لنجاح الإخوان :
أنهم تلقوا بعض المساعدات الحكوميه لأن وجود تيار دينى معارض يزيد من قوه الحزب الحاكم و يزيد من الدعم الدولى له .
ضعف الأحزاب الليبراليه و عدم مقدرتها على الإندماج بالشارع فأغلبهم أدمن المؤتمرات و الظهور على الفضائيات و أعتبرو أن النجاح نجاح أعلامى فقط مثل ما فعل أيمن نور فى الغد و عدم مقدره الجبهه و الوفد على أتخاذ قرارات تتعارض مع الحكومه لخوفهم من تجربه الغد .
أنعدام الثقافه عند أغلب المصريين و أستخدام الإخوان للشعارات الدينيه جعل عقول الجهلاء و الفقراء تنجذب إلى أفكارهم التى تعتمد على قال الله و قال الرسول و يقنعو الجهلاء و الفقراء بأن من لم يقتنع بمرشحهم فهو لايقتنع بكلام الله و كلام الرسول ( متاجره بالدين من الأخر ) .

الحزب الحاكم :
الحزب الوطنى أعتقد أنه أذكى من الجميع سواء الليبرالين أو الإخوان أنه أخذ موقف المتفرج على الصراع من أجل كراسى المعارضه فشغل الليبراليين بالتنافس مع الإخوان و جعل الإخوان ينشغلو بالدعوه الدينيه و المتاجره بالدين ليكرهو الشعب فى الليبراليين و الصراع أصبح الأن بين الإخوان و الليبرالين و الصراع أصبح فكرى ثقافى .

الحل الليبرالى

الأحزاب السياسيه الليبراليه فاشله و ستظل فاشله الأمل الوحيد الأن فى المجتمع المدنى و زياده عدد مراكز الدراسات الليبراليه و العمل من الصفر لخلق جو ليبرالى حر من خلال الدورات التثقيفه للشباب و الطلبه فلو بدأ الليبرالين من الأن فى عمل ثوره ثقافيه أعتقد أنه بعد خمس سنوات سينتقل الفكر الليبرالى من المرحله التثقيفيه لمرحله الليبراليه السياسيه و الإخوان عموما لن يظلو فى المنافسه الفكريه مع الليبرالين لأن فكرهم لايحمل جديد و لن يصمدوا طويلا أمام الثوره الفكريه الليبراليه .

محمد عبد الحى
و ياريت تبصو بصه على الويب ده
http://honalqahirah.com/index.php

Follow

Get every new post delivered to your Inbox.