أمريكا تحذر مواطنيها من التحرشات بمصر

الأمريكان ولاد الأيه ميخفاش عليهم اى حاجه السفاره الأمريكيه بالقاهره بعتت رسايل لكل الأمريكان فى مصر و حذرت السيدات من أنهم يمشوا لوحدهم فى الشارع يعنى لازم تمشى مع البوى فريند بتاعها علشان الشباب عندنا جاب أخره و البلد بقى كلها تحرش الشعب بيتحرش و الحكومه بتتحرش و مش بعيد هانسمع أن شويه بنات أتحرشو بواد أمور بوسط البلد و كل ألى أحنا فيه بسبب تخلف الشعب و الى يقول البنات قللات الأدب ماشيين عريانيين طب هاتولى واحد من الناس الحلويين ألى بيقولو كده و أراهن أن أمه كانت بتروح الجامعه بالميكرو جيب أيام الستينات و السبعينات ولا نسيتو أحنا كنا عندنا وعى أزاى و هو عيب أن البنت تكون أستايل و لا أنتو عايزيين البنات يمشو فى خيم منقبين و ساعتها الشعب كله هايبقى شواذ زى السعوديه و مش معنى أن البنت أو الولد نضاف و بيهتموا بنفسهم يبقى قللات الأدب و الله أسوء بنات أخلاقيا شفتهم فى حياتى كانو محجبات و منقبات يعنى متحكموش على البنت من طريقه لبسها هى حره مش معنى أن البنت بتلبس أستيل معين أو على موضه معينه يبقى هدفها الوحيد الأغراء مش أغراء فى معظم الأحوال أعتقد أنه البنات من الطبيعى عندهم أنهم يشدو الأعجاب و كل واحده ليها وجهه نظر فى الموضوع ده فمتظلمهاش أنت و تحكم عليها من وجه نظرك المكبوته علشان الكبت ده أحنا ألى صنعناه أحنا ألى مصعبين الجواز و أحنا ألى بنفصل البنات عن الولاد و هما صغيريين و أحنا ألى نمسك العيال أول يوم فى الجامعه و نقعد نشحنهم بأفكار و عادات عفى عنها الزمن أبوك و أبويا مكنوش زينا كده أسأل أبوك عن الدنيا كانت عامله أزاى فى الستينات و السبعينات و أعتقد أن الموضه ساعتها عند البنات كانت ميكروجيب و كان الشباب محترمين علشان كان فيه وعى و ثقافه و كل واحد بيحترم حريه الأخر لكن دلوقتى لو لقيت بنت لبسه مينى جيب تحت الركبه كمان و مشيت فى الشارع هتلاقى فيه طابور ماشى وراها أنتو عارفين ده معناه أيه معناه أننا بنتأخر مش بنتقدم .

1 Comment

  1. انا معاكو ان لكل واحد حريته الشخصيه في لبسه بس المفروض الحريه من شروطها انها ما تأزيش حد تاني يعني لما بنت لابسه جوب قصير او بدي ضيق مفسر جسمها و شاب في الشارع شافها و هو مش متجوز عايزينه يعمل ايه حرام عليكو يا ناس الشباب ده مظلوم او لو حتي متجوز و رجع لقي مراته تخينه شويه او اللي في الشارع اجمل هيعمل ايه يعني اللي عايز يلبس يلبس براحته بس بضوابط حتي ضوابط دينيه لو كانو مسلمين يتقو الله شويه و بعدين اللي بتلبس ضيق و قصير و تيجي تشتكي ما هي اللي لحمها رخيص و سايباه لكل الناس يتفرجو عليه من غير تمن ببلاش يعني تستحمل بقي نتيجه حريتها و لا هو كلام بس يا بشر المرأه دي جوهره مصونه لازم تحافظ علي نفسها و ربنا امرنا بالحجاب عشان يحافظ علينا مش عشان يضايقنا ده حتي الغرب اكتشفو ان ااناس العريانه دي في الصيف بيجيلها سرطان في الجلد و نصحو السيدات بالاحتشام اتقو الله يا جماعه و احفظو نفسكم من يتقي الله يجعل له مخرجا و عايزه افكركم ان زمان في عز الدوله الاسلاميه ما كانت سيده العالم النساء كانو محجبات يعني الحجاب مش تخلف او مش تغطيه شعر بس الحجاب ده حجاب خارجي و باطني و سلوك للمرأه المسلمه و ربنا يهدينا و اياكم الي الصراط المستقيم


Comments RSS TrackBack Identifier URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s