قريب أوىىىى :

قريب أوى

هـــنــــا الــــقـاهــره

www.honalqahirah.com

جريده ألكترونيه أسبوعيه بس مش زى جرايد الباقيين

حوارتنا مش زى حوارات الناس التانيين

 أول جريده أسبوعيه مرئيه يعنى الخبر عندنا صوت وصوره

و الكلام عندنا جرىء جرىء أوى

هاتطلع كل يوم سبت  أستنونا السبت 7 إبريل 2007

هنا السياسه – هنا الفن – هنا الرياضه – هنا كل الحوارات

Powered by ScribeFire.

Advertisements

أعتقال و سحل و هتك عرض و قله أدب بجد حكومه تخنق

يوم بجد غير متوقع أنه ينتهى النهايه السودا ديه طبعا كلنا كنا نازلين و متأكدين أن أغلبنا هايعتقل بس برده نزلنا كنت فى مصر الجديده وركبت تاكسى على الساعه 6 كده علشان ألحق المظاهره ألى المفروووض أنها كانت تبقى فى ميدان التحرير و الدنيا زحمه طبعا فكلمت الناس أطمن عليهم كلمت الأول عمر سيزر و قلتله أستنى متنزلش علشان متتخدش قام قلى لا أنا لازم أنزل فنزل و أتشد المهم طلعت حرب كان زحمه طحن فنزلت أتمشى شويه من عند المول كده للميدان و لما وصلت شفت المنظر المعتاد و ألى أنتو حافظينه لما بتحصل مظاهره عربيات الأمن المرجزى بتحج حولين الحج طلعت حرب فلقيت الناس بتوع الغد واقفين فى البلكونه بيتفرجو كالمعتاد و شفت ناس فى الحزب تحت و ووقفنا فى الشارع علشان نصور الهبل ألى كان بيحصل فحسيت أن الأمن هايبتدى يحور علينا ولاسلكيات أشتغلت تلاقيهم بيقولو فيه تجمع ألحق فض المهم عملنا عبط و مدينا شويه و طلعنا الحزب و هما يادوبك لحقونا على المدخل فجرينا لغايط ما طلعنا المقر و ببص من البلوكنه لاقيت أن المدخل أتحاصر بالعيال بتوع الكاراتيه .

dscf0009.jpg

المهم مقر الغد أتحاصر و حاجه تخنق عايز أنزل اشوف الناس جرلهم أيه المهم نزلنا كلنا للمدخل نحاول نخرج و العيال بتوع الكاراتيه دماغهم جزمه أقوله يابنى انا صحفى طلعنى أنا معرفش بتوع الغد دول قام قالى أوامر قلتله نادى الظابط و أقوله نفس الحوار يقوم يقولى زى العسكرى ما قال فزهقت و طلعت فوق تانى أكلم عمر موبايله مقفول أكلم شرقاوى يقوم مأكدلى خبر شد عمر فأتخنقت بجد و واحد بيقولى عربيه الترحليات ألى تحت الحزب فيها مالك و مدحت ننادى محدش فيهم يعبرنا يقوم يجى إيهاب الخولى رئيس الحزب يقولى العيال بيطحنو فى عربيات الترحليلات فخنقنى أكتر و أكتئبت و كنت بجد قربت أعيط و نسمع صريييخ على السلم و ألاقى العيال بتوع الكاراتيه دخلو مدخل العماره و طحنو العيال على السلم وو اح فيهم ماسك ساره بالقلم و خدها نص وشديلها الحجاب و العيال بعدها بتوع الكارتيه جريو و سدوا الباب تانى .

dscf0004.jpg

العيال بتوع الغد بيحاولو يطلعو بعد ما أطحنو

 

بتوع الغد أتخنقو و طلعو البلكونه يرمو كوبيات شاى بلاستك سخنه و جرادل ميه على الظباط و العساكر ليهم حق ما هو طلع دينهم و بعد كده الظابط ألى تحت قال بصوت عالى طب و يا ولاد …… هتباتو فوق النهارده محدش فيكو هايروح يا ولاد الوسخه شوفو أبن الجزمه زعل من شويه ميه و أحنا ألى طلع دين أبونا ضرب المهم جبسونا للساعه 10 بليل و بعد كده إيهاب الخولى عمل أتصالات و أتفق مع الظابط أنهم يطلعونا واحد واحد و نديله وعد أننا هانروح و مش هنروح أعتصام نقابه الصحفيين المهم الظابط طلع عبيط ووافق و طلعونا واحد واحد وروحنا أعتصام نقابه الصحفيين .

 

dscf0010.jpg

المهم رحت عند النقابه ولاقيت العيال بتوع الغد و شويه مدونين وطبعا ممثلين الأشتراكيين موجودين دخلت وقفت معاهم شويه أتخنقت من الشعارات ألى كانو بيقولوها شكلهم كانو فاكرين أن النهارده 25 مارس1970 مش مارس 2007 المهم روحت و كنت مخنوك جدا من الحوار كله فقلت أكتب ألى حصل علشان تتخنقو معايا و شفتو ليه ليه مسمى البلوج ده cruel world

dscf0024.jpg

 

 

الفزع الدستورى بدأ – أختفاء جورج أسحاق

dscf0025.jpg

وصلتنى أخبار كده مش متأكد منها أن جورج أسحاق المنسق العام السابق لكفايه مختفى و أخر مره ظهر زى ما مكتوب على موقع كفايه فى بورسعيد و الموبايل بتاعه مغلق و انا قلت أكلمه أتأكد بعد ما عرفت الخبر لاقيت برده موبايله مغلق و الخبر ده نزل على موقع كفايه :

كان من المقرر ان يتواجد أ.جورج إسحق “منسق حركة كفاية العام السابق والمنسق المساعد الحالي “ظهر أمس ببورسعيد لكن فجأة إنقطع هاتفه المحمول عن الإستقبال والإرسال ولم يعرف عنه أي شئ حتى الأن.

جرت عدة محاولات للإتصال بأشقائه في بورسعيد للإطمئنان عليه لكن لم يبد أحد منهم معرفته بمكان تواجده حاولنا الإتصال بالكثير من أعضاء كفاية ببورسعيد وأيضا نفس النتيجة.

يذكر ان المنسق المساعد لم يعرف عنه من قبل أنه يقوم بغلق هاتفه المحمول طيلة ساعات الليل والنهار .
المرجح الأن تعرض منسق كفاية للإختفاء الجبري لكن ليست لدينا أي معلومات عن الجهة المسؤوله عن ذلك .
كل المعلومات التي تتحدث عن الإفراج عنه غير صحيحه وغير مؤكده .

وتدعو الحركة كل نشطائها للتأكيد على عدم خوفهم وعلى عدم إنكسارهم أمام النظام البوليسي القمعي والتواجد غدا في إعتصامات ومظاهرات الحركة في أنحاء مصر المختلفة.

مش عايزيين تعديل دستورى مطبوخ

no1az0.gifdemo.jpg

gse_multipart38178.jpg

يوم الأثنين 26 / 3 / 2007

يوم الأضراب العام

كفايه سكوت

ألى جوه مصر و ألى بره مصر مش هايسكتو

أعتصام بميدان التحرير بالقاهره من الساعه 8 مساء حتى الساعه 12 ظهرا باليوم التالى

أعتصام بالأسكندريه بميدان المنشيه يوم الأثنين من الساعه 9 صباحا حتى الساعه 5 مساء

أنجلترا – أمام السفاره المصريه بلندن من الساعه 12 ظهره حتى الساعه الثالثه

نيويورك أمام القنصليه المصريه وقفه من 12.30 حتى1.30

و قفه أمام سفاره مصر بواشنطون من 11 صباحا حتى الواحده ظهرا

Monday
Another Referendum
More Authoritarianism
RALLY against more Constitutional Constraints on Liberties in Egypt
Join us in Washington, DC in front of the Egyptian Embassy
26 March 07
11am – 1pm
3521 International Court, NW
nora.younis@gmail.com

New York
Monday March 26 at Egyptian Consulate
12:30 – 1:30 pm,
1110 Second Avenue, NYC 10022
shehabfakhry@yahoo.com
917-392-9408

London
Egyptians in London will demonstrate in front of the Egyptian Embassy, Monday 26 March, from 12pm to 3pm, to protest Mubarak’s authoritarian constitutional amendments
The Embassy is located: 26 South Street, London W1K 1DW

 

 

 

مش عايزيين تعديل دستور !!!!!! طب نعمل أيه !!!!!!!!!

أنت طبعا مش عاجبك موضوع التعديل الدستورى ممكن تدوس هنا لو كان عجبك المهم أنا متأكد أنك دلوقتى فقدت الأمل و بتقول لنفسك يعنى هاتفرق لو رحت التصويت على الأستفتاء أو مرحتش ما الحوار كله مطبوخ و كده كده بيعملو ألى فى دماغهم لا أستنى أنا مش متفق معاك فى الحوار ده أنت لازم تروح للتصويت و تقول لا مش بس كده أنت لازم تخلى الناس ألى حوليك يروحو و يقولو لا كفايه السلبيه ألى أحنا عايشيين فيها ديه مش عيب أنك تاخد موقف سياسى ده حقك و محدش يقدر يمنعك من أنك تقول رأيك فى موضوع التعديلات الدستوريه بص للشباب فى فرنسا بيعملو ايه هاتقولى هناك فيه حريه و هنا مفيش أنا هاقولك أنهم ألى أدو الحريه ديه انفسهم مش الحكومه ألى أدتهلهم و التاريخ يشهد لازم أحنا الشباب ألى نغير لو أبهتنا كانو سلبيين و خايفيين و دفنو دماغهم فى الرمله أحنا مش زيهم و مش هانسكت مش بقولك روح أعمل مظاهره ولا أعمل اضراب أنا بقولك مارس حقك الطبيعى كبنى ادم ليه رأى و ليه وجهه نظر و ليه تخلى غيرك هو ألى يحدد مصيرك هو أنت عاجز ولا جبان ما تيجو نثبتلهم أننا مش زى الجيل ألى فات و نستغل أى حق شرعى مسوح لينا و نروح و نقول لا أحنا ضد المقاطعه علشان المقاطعه جبن حتى لو النتيجه هاتزهور يبقى عملنا ألى علينا و تزورتش و أحنا عاملين عبط و أنا متأكد أننا مش عبط ولا هناخد على قفانا أنا زيى زيك واحد عايز هو ألى يقرر مصيره .

ما تيجو الفتره الجايه ألى هى من الجمعه ليوم الأتنين نعمل شويه حجات هى حجات سهله و مش صعبه على أى حد و هاتفرق مع مستقبلنا كتير :

1 – أتكلم مع صحابك و لو أقتنعت بكلامى ما تعرضه عليهم و أتناقشو ده حقكو .

2 – مش هاتفرق كتير لو بعت مثلا خمس رسايل من موبايلك و كتبت فيها ” مش عايزيين تعديل دستور – روح و مارس حقك كأنسان ليه رأى كأنسان موجود مش ميت و قول لا لتعديل الدستور – برجاء تمرير الرساله بقدر المستطاع لأصحابك ألى هما برده من حقهم يقولو رأيهم

3 – مش صعبه لو مررت الأيميل ده لكل صحابك عملتله فورورد .

4 – ممكن لو تعرف تنقل بقدر أستطاعتك نمر التليفونات ألى على موبايلك بدون اسماء أرقام فقط فى ملف تكست “TXT” و تبعته على mesh3aizen@gmail.com علشان يوم الأتنين الصبح هانبعت أكتر من 200000 رساله

5 – أخر حاجه و هى أن أنت تروح و تقول مش عايزيين تعديل دستور .

 clik here to add your Comment »

 

::::::::::::: بجد كده كفايه :::::::::::::

Click to join My CRUEL WORLD

يا جماعه الحوار كبير ولا أنتو لسه نايمين فى العسل و بتقولو بينكو و بين نفسكو و أحنا مالنا ما يغيرو الدستور هو يعنى الدستور الموجود عملنا أيه طبعا الكلام ده مش لذيذ خالص بصو بأه موضوع الدستور ده يفرق مع أى حد حتى الشحات ألى ماشى فى الشارع ده هايفرق معاه أنتو عارفيين معنى أنه يتقبض عليك و يطلع عين أمك ضرب و متتطلعش لنيابه و لا غيره ولا ياسيدى شوف أمناء الشرطه ألى ماشيين فى الشوارع دول شوفو دلوقتى بيطنططو على البشر أزاى و شغلين مصالح و ده و فيه قيود عليهم تخيل بأه مبأش فيه قيود عليهم و بتوع الحكومه ماشيين فى الشارع و هما عارفيين أنه بعد تفعيل الحوار بتاع ماده الأرهاب ده أن الريس بتاعه هو ربنا يعنى علشان يبطل رخامه عليك يبقى لازم ياخد أمر من ألى خلقك من الأخر هايعمل فيك ألى هو عايزه و مش كده بس هايرقبوك مش بعيد تلاقى جرس بيتكو بيرن الساعه 3 بليل و تلاقى واحد بيقولك عندنا نبطشيه مراقبه فى بيتكو النهارده روح أعملى شويه قهوه و يرخم عليك شويه و يعاكس فى بنتك و مراتك و قدامك و أنت ولا كلمه هاتنطق هايعملو فيك زى عمك عماد الكبير .

و مش كده بس ده أنت كمان هتبقى أرهابى و موضوع المظاهرات ده بدل ما هابتفض بالميه و عساكر الأمن المركزى ده كان زمان خلاص أيام ما كان فيه حريه بعد كده يا حلو هايضرب نار فى المظاهرات ليه ياعم هو كده و تلاقى فى النشره بتاعت تليفزيون عمو حسنى أنه تم أحباط مخطط أرهابى تبناه كلا من التيار الشيوعى المسلح بدعم من التيار الليبرالى المسلح و قام بالمهات الأنتحاريه كتائب الجماعه المحظوره مش بقولك هاتحصل حوراااااااات .

المهم أنت بتقرى الكلام ده و بتقول يعنى هانعمل ايه ما كده كده رضينا أو رفضنا هايعملو ألى فى دماغهم بس لو نزلنا كلنا مع بعض يوم الأحد 25/3 و قلنا مش عايزيين تعديل دستور أنت هاتعمل كده علشانك أنت علشان كرامتك علشان حريتك و علشان بلدك مستنينك يوم الأحد 25 / 3 علشان نقول كلنا مع بعض ” مش عايزيين تعديل دستور ” و لو أنت خايف من المظاهرات بسيطه دوس هنا و انت تعرف هاتعمل أيه

clik here to add your Comment »


 

مش عايزين تعديل دستور . . عايزينك ترحل وتغور

Click to join My CRUEL WORLD

 

يوم الاثنين فيه استفتاء على تعديل 34 مادة في الدستور المصري دستور بلدنا اللي بيقول البلد تمشي إزاي وبيحدد حق وواجب كل واحد فينا, التعديلات دي الحزب الوطني عملها بمعرفته .. تعديلات تفصيل على مقاس جمال بيه , عشان محدش يتكلم أو يعترض أو يطالب بحقه أو يرفع راسه , مش كدة وبس كلنا هنكون مهددين في الشارع وفي شغلنا وبيوتنا وأكل عيشنا .

تعديل المادة 179 بيدي الحق لأي أمين شرطة إنه يدخل بيتك ويفتشك ويراقبك ويراقب تيلفونك ويسجلك صوت وصورة ويحبسك وكل ده بمزاجه من غير إذن نيابة ولا دياولو وبعدين يوديك محكمة عسكرية لأنك إرهابي ؛ يعني مفيش حصانة لمحامي ولا صحفي ولا قاضي ؛ يعني مفيش عدل ولا صحافة ولا قانون , وكله بالدستور يا بيه !

أما بقى تعديل المادة 88 فده بيلغي الإشراف القضائي على الانتخابات ويسيبها للداخلية وبتوع ” نعم نعم يا مبارك ” يطلعوا النتيجة اللي هما عايزينها . التعديلات كمان هتمنع أي مستقل يترشح للرئاسة يعني انكتب علينا وعلى ولادنا رئيس من الحزب إياه لحد ما نموت , ورئيس الجمهورية بقى من حقه يحل مجلس الشعب من غيرحتى ما يستفتي الناس ؛ يعني احنا ننتخب مجلس شعب هو ييجي يحله من دماغة ويطلعلنا لسانه .

يعني من الآخر البلد هتبقى عزبة مبارك وولده , واحنا عبيد وأنفار عندهم مالناش حقوق وكتّر خير ناظر العزبة إنه سايبنا قاعدين .

احنا بقالنا كتير بنتكلم عن الحرية والديمقراطية وحقوق الإنسان والشفافية وتداول السلطة والنهب والفساد والقطارات والعبارات والسرطان والعنوسة والبطالة والفقر والجهل والمرض و عندنا استعداد نفضل نتكلم ونحاول تاني وتالت , بس التعديلات دي هتحرمنا حتى من أبسط حقوقنا كبني آدميين وهو حق الكلام والتعبير, الموضوع مش المعارضة والناس بتوع السياسة بس , الموضوع هيضرنا كلنا , أي حد هيفتح بقه دلوقتي ممكن يبقى إرهابي مفيش حرمة ليه ولا لبيته وعرضه وحريته وكرامته , من حقنا نكون زي كل شعوب الدنيا اللي واخدة حقها والحكام بيشتغلوا موظفين عندها , من حق ولادنا يعيشوا في مصر أحسن من اللي احنا عشنا فيها , كل واحد فينا هيجيله يوم يسأل نفسه أو ولاده هيسألوه كان فين يوم ما البلد اتباعت وبقت تكية لمبارك والعصابة اللي معاه ؟!

دي آخر فرصة نتكلم واحنا لسة بني آدمين نرفض الاستعباد والذل اللي عايزينا نعيش فيه , يمكن تكون دي آخر مرة نقدر ننزل الشارع فيها نعبر عن رأينا ما هو بعد كدة اللي هيتكلم هيبقى إرهابي .

يوم الأحد 25\3 الساعة 6 هنكون كلنا في ميدان التحرير , كل الأحزاب والتيارات والاتجاهات , رجالة وستات , ولاد وبنات , هنبات ليلة في الشارع نقول كلمتنا ونوصل صوتنا ونبقى عملنا جزء من اللي علينا قدام نفسنا وولادنا وقدام ربنا , مهما يعملوا هننزل الشارع ومش هنخاف ومش حنسيب بلدنا عشان احنا أصحابها .

الحوار ده من عند كفايه

Click to join My CRUEL WORLD