مش عايزيين تعديل دستور !!!!!! طب نعمل أيه !!!!!!!!!

أنت طبعا مش عاجبك موضوع التعديل الدستورى ممكن تدوس هنا لو كان عجبك المهم أنا متأكد أنك دلوقتى فقدت الأمل و بتقول لنفسك يعنى هاتفرق لو رحت التصويت على الأستفتاء أو مرحتش ما الحوار كله مطبوخ و كده كده بيعملو ألى فى دماغهم لا أستنى أنا مش متفق معاك فى الحوار ده أنت لازم تروح للتصويت و تقول لا مش بس كده أنت لازم تخلى الناس ألى حوليك يروحو و يقولو لا كفايه السلبيه ألى أحنا عايشيين فيها ديه مش عيب أنك تاخد موقف سياسى ده حقك و محدش يقدر يمنعك من أنك تقول رأيك فى موضوع التعديلات الدستوريه بص للشباب فى فرنسا بيعملو ايه هاتقولى هناك فيه حريه و هنا مفيش أنا هاقولك أنهم ألى أدو الحريه ديه انفسهم مش الحكومه ألى أدتهلهم و التاريخ يشهد لازم أحنا الشباب ألى نغير لو أبهتنا كانو سلبيين و خايفيين و دفنو دماغهم فى الرمله أحنا مش زيهم و مش هانسكت مش بقولك روح أعمل مظاهره ولا أعمل اضراب أنا بقولك مارس حقك الطبيعى كبنى ادم ليه رأى و ليه وجهه نظر و ليه تخلى غيرك هو ألى يحدد مصيرك هو أنت عاجز ولا جبان ما تيجو نثبتلهم أننا مش زى الجيل ألى فات و نستغل أى حق شرعى مسوح لينا و نروح و نقول لا أحنا ضد المقاطعه علشان المقاطعه جبن حتى لو النتيجه هاتزهور يبقى عملنا ألى علينا و تزورتش و أحنا عاملين عبط و أنا متأكد أننا مش عبط ولا هناخد على قفانا أنا زيى زيك واحد عايز هو ألى يقرر مصيره .

ما تيجو الفتره الجايه ألى هى من الجمعه ليوم الأتنين نعمل شويه حجات هى حجات سهله و مش صعبه على أى حد و هاتفرق مع مستقبلنا كتير :

1 – أتكلم مع صحابك و لو أقتنعت بكلامى ما تعرضه عليهم و أتناقشو ده حقكو .

2 – مش هاتفرق كتير لو بعت مثلا خمس رسايل من موبايلك و كتبت فيها ” مش عايزيين تعديل دستور – روح و مارس حقك كأنسان ليه رأى كأنسان موجود مش ميت و قول لا لتعديل الدستور – برجاء تمرير الرساله بقدر المستطاع لأصحابك ألى هما برده من حقهم يقولو رأيهم

3 – مش صعبه لو مررت الأيميل ده لكل صحابك عملتله فورورد .

4 – ممكن لو تعرف تنقل بقدر أستطاعتك نمر التليفونات ألى على موبايلك بدون اسماء أرقام فقط فى ملف تكست “TXT” و تبعته على mesh3aizen@gmail.com علشان يوم الأتنين الصبح هانبعت أكتر من 200000 رساله

5 – أخر حاجه و هى أن أنت تروح و تقول مش عايزيين تعديل دستور .

 clik here to add your Comment »

 

12 Comments

  1. كفاااااااااية حرام
    هنروح لحد فين بعد كدة
    المرة الجاية التعديل يبقى لتحويلنا مملكة

  2. للأسف كنت ناوي أشارك برأي
    بس موقع زيي ده بيدعم قضية الكافر عبد الكريم عامر
    موقع غير جدير بالإحتراااام

    حتى لو الموضوع ملوش علاقة بكريم
    بس للأسف المكان فقد مصداقيته بالنسبة لي
    و إذا كانت دي الحرية اللي بتطالبوا بيها
    يبقى عليه العوض في البلد و بجد حزب الزبالين اللي هو الحزب الوطني هيكون أنضف منكم

  3. معرفش أنت يا ألى اسمك حزمان أزاى تدى لنفسك الحق فى أنت تقول على حد أنه كافر ولا لائه

  4. even law ro7na el tasweet mosh kolena hane3raf nod7’ol le2an homa beyda7’alo 3ala mazaghom , el nas elly men mostawayat 2olayela aw mosh mota3alemen we bey2ololhom yoktobo , zy ente7’abat el re2asa wel vote hayeb2a be …………

  5. أفندم

    ده على أساس ايه سؤالك ده .. هو انا كده بظلمته و للا بفتري عليه

    و للا انت يمكن شايف ان الإيمان و التقوى بيخروا منه

    أو بقى تكون انت أصلا مقرتش كلام كريم و متعرفش حكايتة من الأساس

    و ده يبقى وضع تااني

    عموما ربنا يهدينا جميعا

  6. على فكرة استمارة الانضمام للحزب الليبرالي في الدرج بتاعي

    و كنت متحمس جدا لفكرة الإنضمام للغد و ده إيماني الشديد بأيمن نور

    بس أعتقد اني لازم أعيد حساباتي

    و أفهم كويس الأول يعني ايه ليبراليه

  7. خد وقتك لغايط ما تفهم يعنى أيه ليبراليه و تفهم يعنى ايه أننا نؤمن بحريه الأراء و حريه العقائد أمال ايه بأه المواطنه ألى بنتكلم عليها يعنى خلاص باه لو مشينا على افكار الناس ألى ألى زيك نبقى نولع بأه فى أى واحد مش مسلم ده أنتى لو مشيت براى الدين الأسلامى هتلاقى نفسك برده غلط على العموم أحنا مش عايزيين النوعيه ألى زيك تدخل معانا لا فى الحزب ولا فى أى حاجه

  8. طيب و الله احمد ربنا ان النوعية اللي زيي متعجبكمش

    لأن النوعية اللي زيي ميشرفهاش أصلا انها تنضم للي زيكم

  9. ان كانت تلك التعديلات حقا هى الخير والمستقبل للشعب الغلبان اللى أنا واحد منهم لما لم تتم من 35 سنةتحت حكم اللصوص والحرامية

  10. ان الله لا يغير ما بقوم حتى يغيروا ما بانفسهم خلص الكلام

  11. انا رفضت التعديلات الدستورية —-و رحت الأستفتاء بتاعها و قلت لأ
    رحت رغم ان اهلي قالولي ما ترحش
    خليك جنب الحيط
    قمت معاند
    ونازل للدايرة بتاعتي
    و دورت على اسمي في 12 لجنة النخابية دون جدوى
    لحد ما ربنا الهمني
    و رحت لجنة الوافدييين
    وبكل فخر
    قلت
    لا
    لا لتعديل
    لا لخرق حقوقي الشخصية
    ……………………………………………………………………………………..
    في الأخر طلعت 1 من 20000 قالوا لا
    بنسبة 25 % من اجمالي الأصوات
    ما زعلتش ان في 75 % قالوا نعم
    انا زعلت لأنه في 30 مــــــــــــــــــــــلــــــــــــــــــــــيون و احد ما راحوش للصناديق
    و ركنوا جنب الحيط
    ……………………………………………………………………………………….

    :’-(

  12. بس يا محمد أنت عملت الصح علشان لو كل الناس كانو راحو و قالو لا كان الوضع هايختلف لكن المعارضه المتخلفه عندنا قاطعت


Comments RSS TrackBack Identifier URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s