وفاة صبي مصري بعد اسبوع من الحجز لدي الشرطة :

وفاة صبي مصري بعد اسبوع من الحجز لدي الشرطة

خلاص بأه كلاب الشرطه أتعودو كل يوم تعذيب و كل يوم قتل ماهم مش لاقيين حد يقولهم بتعملو ايه عمو حسنى مش فاضى قاعد بره بيصلح سنانه و بيشد وشه أهو برده السن ليه حكمه و العادى وزيرنا نازل طايح فى البشر أكن المصريين دول حيوانات و هو بيمشينا باكرباج يا حيوانات أيوه أنتو حيوانات لما يقتولو عيل صغير و ياريتهم قتلوه بمسدس و لا بسكينه لا دول أستمتعو بتعذيبه ولا أكنهم فى حرب و مسكو اسير بيخدو منه معلومات عسكريه لصالح الأمن القومى .

طبعا أنت بتبص للصوره ديه و بتقول يحرام ده عيل و أنت يعنى هاتعمل أيه صح أنا نسيت أن ألى هايقرى التدوينه ديه مصريين معندهمش دم بيسكتو على كرامتهم و بيسكتو على الأنتهاكات ألى بتحصل ليهم طب شوف الصوره ديه :

عارفين أيه ده ديه مش ضربه رصاصه الجرح ده المكان ألى كانو بيكهربو فيه الطفل المسكين ده

طبعا أنت / ى بتبصو للصور و الموضوع ده هايروح من بالكو بعد ساعه و فيه ناس حساسين شويه الصور هاتأثر فيهم يومين على العموم الطفل ده ضحيتكم أنتو يا جبنا يا مصريين ألى لو أمين شرطه و قفكو فى الشارع هاينفض جيوبكو و زى ما بتقولو هاعمل أيه يعنى هو أحنا قد الحكومه بصراحه المصريين دول مفيش منهم تانى شعب مش هايتكرر بيتعذب و بيتسرق و بياكلو خره و لا هما هنا محسسنى أنهم جايين الدنيا كده علشان يتبهدلو .

و بعد ما خلصو تعذيب المصرى ده رموه على الكوبرى ألى بعد موقف المنصوره بتاع الدراسات و كان مرمى خلصان شبه ميت و المعلومه ديه منقوله من وائل عباس هى و الصور :

أم محمد تقول ابني كان رايح القسم سليم زي الحصان ابني فتحوله جنبه في القسم الكابتن سيد بتاع المركز هو اللي واخده من هنا وكان معاه اربع مخبرين تبع قسم المنصورة قعدت أصوت في القسم قام المأمور بعته مستشفى الصدر في مستشفى الصدر الدكتور قال لي ده عامل عملية ابني عملوله عملية في المركز الواد كله محروق وظهره مكسور وديته الجامعة قالولي دي مش عملية دي مفتوحة غلط وبعدين طردوه من المستشفى المستشفى عرصت على المأمور بتاع المركز خدوه بعربية مخصوص ورموه على الكوبري رموه عند موقف المنصورة بتاع الدراسات كان مرمي خلصان خالص والناس الله يصلح حالهم جابوه بقاله يومين في البيت أعمل إيه يابا مانا ماليش ضهر وبعت اللي ورايا واللي قدامي ممكن ادخل السجن في اي وقت وعليا فلوس قد كده وباجري على خمسة اخوه ابراهيم ممدوح لسه في المركز خدوه علشان ما يتكلمش دول قلبهم بقى يهودي وها يعملوا في اخوه زي ما عملوا فيه كل اللي جوه في المركز بيعملوا فيهم كده ابني وابن غيري اقول ايه بس بعد ما عيالي راحوا من يوم ما جوزي مات محدش بيجري عليا واتداينت واتهانت ده حرق كهربا سلسلة ضهره مكسوره اهه وجنبه مخروق هو فيه عمليات بتتعمل في المركز مستشفى الصدر طردوه الدكتور في الجامعة قال لي عملية رئة ايه يا حاجة دي مش عملية ده حد خابطه بحاجة يا حاجة وباقول يا رب ربنا ينتقم منهم ربنا ينتقم من الظالم ربنا ينتقم من اللي في المركز بتاع المنصورة كله ما حلتيش حاجة علشان ابيعها معندناش حمام وبنملا المية من بر لما انا سبته في المستشفى ومشيت طردوه قالوا طردناه علشان كان بيقطع في المراتب هو بيتحرك اصلا علشان يقطع في المراتب بيقولي التمرجية حطوني في عربية ورموني في الموقف وواحد ابن حلال ركبه عربية محلة دمنة وواحد تاني جابه بتوك توك لحد البيت جالي مرسال ابنك في مستشفى الصدر رحت التمرجية قالولي ممنوع تقعدي معاه علشان هنا قسم القلب

فيه صور تانيه بس مقدرش أحطها أحتراما لإنسانيه الطفل ده و ياريت وائل يشيل الصور ألى بتكشف أماكن عورات الطفل المسكين ده و كده كده يا وائل مش هاتفرق نحط صور أو لا كده كده الشعب عندنا معندوش دم و شكرا يا وائل على الصور و أنا لبيت دعوتك و سرقت الصور منك بس ياريت الموضوع يجيب نتيجه و الكلاب ألى عملو كده بتحاسبو معلش أصلى بحلم و أوعى تنسى عزيزى المواطن أن أنت أكيد فى مصر و أقول لبتوع مصر أم الدنيا ولا بلاش .

و دول فيديوهين منقولين من عند 3eeb3aleek و معلش الفيديو فيه لقطات غير مستحبه فبلاش للى قلبه ضعيف بجد :

<< CLICK HERE TO ADD YOUR COMMENT >>

3 Comments

  1. ربنا يكرمك وتمام الموضوع وندعو كل الناس لفضح النظام العسكري
    كما يفعلو معنا بلا رحمة

  2. أحنا مش فارقه معانا نفضح نظام أصلا كده كده مفضوح أحنا نفسنا أن الناس تعرف حقوقهم و ميسكتوش أو يتنازلو عن أى حق ليهم

  3. One has to see this to believe it happens I first saw this video on youtube months ago and I fowarded it to every major news org in the USA. Heartwrenching and outrages! Abuse has got to stop!


Comments RSS TrackBack Identifier URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s