إحتلال حماس لمصر !!!

طبعا كله هايقفش عليا من رأيى بس عادى بأه .
موضوع دخول الفلسطنيين الإراضى المصريه الموضوع ده داخل فيه 3 أطراف :
الحكومه الإسرائيليه .
حماس ( فرع جماعه الإخوان المسلمين بفلسطين )
مــصر ألى هى المفروض بلدك يعنى قبل ماتقرى كلامى حط مصلحتك الأول و بعد كده شوف مصالح البقيين ده لو عايز اصلا .
== الحكومه الإسرائيليه :
إسرائيل عملت حصار غزه و هم متأكدين تماما من أن أهالى قطاع غزه مش هيلاقو منفذ ليهم بعد ما تخلص من عندهم أساسيات المعيشه زى الأكل و الشرب و السجاير و باقى الحوارات .
إسرائيل سهلت أن قطاع غزه يدخله فلوس كتير من إيران و التمويل ألى جه من الدول العربيه .
الفلسطنيين بقو معاهم فلوس كتييييييييير بس معندهمش حاجه يشتروها بالفلوس .
حماس قالت نعمل أيه . . نعمل أيه .
== حماس ( فرع جماعه الإخوان المسلمين بفلسطين ) :
طول حماس ( فرع جماعه الإخوان المسلمين بفلسطين ) بتحاول تدخل مصر بدعم من الإخوان عندنا فى أى مشكله علشان تجبرها أنها تكون فى قلق سواء باه الأسلحه ألى بتتهرب أو العمليات التفجيريه بتاعت سينا – الأحزمه الناسفه هاتيجى منين أقرب جماعه إرهابيه لينا على الخريطه هى حماس !!!!!!!!!!!!!!!!!!!!!!
المهم حماس خلو الناسء و الأطفال فى المقدمه علشان لو المصريين دافعو عن حدودهم يبقى يتقال أننا بنضرب فى أطفال غزه و يعملولنا حوار .
المهم الريس بتعنا خد قرار بس أنا شايفه قرار مش سليم أنه سمح ليهم بالدخول بعد ما دمرو الفاصل الحدودى بالجرارات .
فيه أكتر من 40 ظابط مصر أصيب و منهم اصابات خطيره أغلبهم يعنى و 12 أتكلو دول ضربو علينا نار يا حماس فين بأه الدين ده إحنا بنساعدكو تقومو تموتنا الناس بتعونا .
دم المصريين دول أيه نظامه هايروح كالمعتاد .
المهم الموضوع تطور دلوقتى :
أكتشاف حزام ناسف فى تاكسى – المصرى اليوم
القبض على 3 فلسطنيين متهربين من العريش و مسكوهم فين فى بنى سويف – الأهرام
و الإخوان نازلين فى توتر داخلى أنت يا إخوان لما كان عندك الحريه أنك تعمل مظاهرات كسرت الشوارع و المحلات و العربيات ده أنت يا مسلم يا متبع أخلاق الرسول تقوم تضر المواطنين بأنك تتلف أملاكهم طب لو أنت مخنوق من الحكومه تضرنا إحنا ليه هو إحنا ناقصينكو عندنا ألى بيضايقنا أكتر منكو و هو الجهل ألى نشرتوه زى الفيروس عندنا .
المهم من الحوار ده المفروض لو الإخوان مصريين و خايفيين على مصالح مصر يبطلو الهبل ده و المظاهرات ديه علشان أجهزه الأمن مش نقصاكو ياريت يروحو يحرسولنا العريش إنشا الله يبعتو اللمليون عسكرى ألى وزاره الداخليه .
== شعب الله المحتار ( مصر )
المفروض إننا بقى نبطل ألى بنعمله كلنا دلوقتى علينا خطر و خطر على الحدود متستهونوش بالمصيبه معنى أن الألاف يقتحمو حدود بلد ده أسمه إحتلال أيوه ألى حد ديه حرب و الجيش المصرى استسلم فيها نظرا لأسباب إنسانيه بس هما مرعوش ده .
اهالى العريش دلوقتى عايشيين فى كارثه المنتجات الغذائيه قلت كيلو اللحمه وصل ل 100 جنيه و لتر البنزين وصل ل 4 جنيه و ده خلص الفلسطنيين كلو وشربو كل حاجه حتى البنزين و لو الحكومه بعتت أمدادات للعريش المصيبه هاتكتر علشان نقص المنتجات ده ضغط علشان يرجعو تانى قطاع غزه و الضحيه المواطن المصرى ألى مش لاقى ياكل .
الحكومه المصريه عرضت أنهم يرجعو القطاع و هما هايمدوهم بكل حاجه بس حماس و لبإخوان بيدرسو عمل مخيمات للفلسطنيين فى العريش علشان يخلو مصر تضغط على إسرائيل علشان تفك حصار غزه شوفتو بأه أنهم ضرونا فى سبيل تحقيق مصلحه ليهم شفتو بأه أدى حماس و أدى الإخوان .

الشريط الحدودى بعد أن تم هدمه بالجرارات التابعه لحركه حماس


جرافات حماس تخترق الفاصل الحدودى

5 Comments

  1. انا متفق معاكي
    و قولت قبل كده
    مصر أولا قبل الغير
    http://memokareem.blogspot.com/2008/03/blog-post_13.html
    احنا واخدين دور الريادة
    و هما لا بيحترموا مصر و لا المصريين
    يبقى مشاكلنا اولا
    قبل مشاكل الغير

  2. و الله اشيء غريب اليهود بيدخل مصر طابا و شرم الشيخ عادي لكن لم بيدخل الفلسطيني الي مش لقي ياكل
    اسم تعدي
    والا خوان مش محترمين مصر اليهود قتل طفلة مصؤية امر عادي و ابو الغيط الحيوان ماقلش حاج
    بس ابو الغيط الحيوان بدو يكسر رجل الفلسطيني الي بحاول يدخل مصر اللي هي بلد اسلامية
    و الله عال

  3. ياخال اقل حاجه بقول انكو يا اخونا المصريين فش عندكو مشكله
    وعشتكو كلها ربيع بس مشكلتكو انو اهالي قطاع غزه دخلو العريش وانعشو اقتصادها
    المعدم وروحو .؟
    بس في حاجه بسيطه كمان لازم تفهم انو احنا الفلسطينيين لايمكن نسيب قطاع غزه وارضنا عشان نروح نتهجر في العريش ولو بنموت بعد منجوع
    ولي حصل زمان في الهجره والدرس الي تعلمو شعبنا العظيم لايمكن ينتسي ولا نغفل عنو عشان نسيب ارضنا ونروح ندور علي مخيم في الصحره .
    وعموما الفلسطينيين رجعو والحصار الامريكي الاسرائيلي المصري شغال
    فتشغلش بالك بهالمشكل وشوف عشتكم يا اخوانا في العروبه والاسلام وين وصلت .

  4. انت انسان مش بتفهم ولا بتقدر ولا بتحترم الغير

  5. من الواضح إن كاتب الموضوع متأثر بالدعاية الرسمية تأقر شديد
    ومشكلة غزة مصر مساهمة فيها بالإتفاق مع إسرائيل
    والمفروض إننا المصريين ندخل لأهل غزة الإحتياجات من الطريق الرسمي مش نحاصرهم و مضطرهم إنهم يحاربونا إحنا و إسرائيل
    وبعدين معروف إن معظم الناس الي دخلو مصر رجعو تاني غزة وحكاية منع المواد الغذائية من دخول العريش ده تخلف بجد
    وحاليا رفح نفسها عليها حظر من الشرطة عشان ميدخلهاش أي حاجة ممكن توصل لغزة
    وأحب اقول برده إن من حوالي 50 سنة كات غزة دي كإنها مصر إمتحنات الثانوية العامة بتوصل من مصر
    واللي عاوز يروح غزة كان بيسافر بشكل طبيعي و يروح مخصوص عشان يشتري بضايع


Comments RSS TrackBack Identifier URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s