توسيع بناطيل البنات مين المسؤل

جروب توسيع بناطيل البنات أنا بحمل عبد الناصر المسؤليه :
و أنت مالك تلبس ضيق تلبس واسع و متلبسش بنطلون أصلا أنت مريض نفسى مش أكتر و الكبت الجنسى الى عندك جننك أنت ألى بتقول وسعو بناطيل البنات و أنت نفسك ألى بتتحرش بالبنات الى يقول البنات قللات الأدب ماشيين عريانيين طب هاتولى واحد من الناس الحلويين ألى بيقولو كده و أراهن أن أمه كانت بتروح الجامعه بالميكرو جيب أيام الستينات و السبعينات ولا نسيتو أحنا كنا عندنا وعى أزاى و هو عيب أن البنت تكون أستايل و لا أنتو عايزيين البنات يمشو فى خيم منقبين و ساعتها الشعب كله هايبقى زى السعوديه مهوس بالجنس و مش معنى أن البنت أو الولد نضاف و بيهتموا بنفسهم يبقى قللات الأدب و الله أسوء بنات أخلاقيا شفتهم فى حياتى كانو محجبات و منقبات يعنى متحكموش على البنت من طريقه لبسها هى حره مش معنى أن البنت بتلبس أستيل معين أو على موضه معينه يبقى هدفها الوحيد الأغراء مش أغراء فى معظم الأحوال : )
أعتقد أنه البنات من الطبيعى عندهم أنهم يشدو الأعجاب و كل واحده ليها وجهه نظر فى الموضوع ده فمتظلمهاش أنت و تحكم عليها من وجه نظرك المكبوته علشان الكبت ده أحنا ألى صنعناه من أيام نظام عبد الناصر ألى قتل جوانا كل حاجه جميله و إنسانيه خلانا أحنا ألى مصعبين الجواز و أحنا ألى بنفصل البنات عن الولاد و هما صغيريين و أحنا ألى نمسك العيال أول يوم فى الجامعه و نقعد نشحنهم بأفكار و عادات عفى عنها الزمن أبوك و أبويا مكنوش زينا كده أسأل أبوك عن الدنيا كانت عامله أزاى فى الستينات و أوائل السبعينات لما كان الفكر الليبرالى متقتلش على ايد عصابه الإنقلاب العسكرى .
و أعتقد أن الموضه ساعتها عند البنات كانت ميكروجيب و كان الشباب محترمين علشان كان فيه وعى و ثقافه و كل واحد بيحترم حريه الأخر لكن دلوقتى لو لقيت بنت لبسه مينى جيب تحت الركبه كمان و مشيت فى الشارع هتلاقى فيه طابور ماشى وراها أنتو عارفين ده معناه أيه معناه أننا بنتأخر مش بنتقدم .
لكن هانقول أيه ألفين رحمه على الحريه . . .

الصوره ديه إهداء من للزعيم الراحل صاحب الناصريه عدو الحريه الزعيم جمال عبد الناصر


8 Comments

  1. صح وانا متفقة معاك مليون فى الميه وفعلا اللى بيقول البنات بتلبس مثير اتحداه يجيب واحدة لبسها فعلا مثير دة بقى فى بنات منقبات وبيتعاكسوا والشباب بيتحرشوا بيهم طب الشباب شايفين منهم ايه اصلا وكمان كان فى واحدة حامل فى الشارع وهى راجعة من السوق واحد وقفلها بعربية وعرض عليها ممارسة الجنس معه مقابل مادى فعلا دة سلوك حيوانى جدا

  2. ممكن الي مش عاجب اخت تلبس وتتحشم حتى مايعرضلهاش حد
    عاوز اخت تصير سبيل للي رايح و الي جاي
    و المقبات اشرف من الشرف لان الوحدة بتصون نفسها
    مش زي البنات ال ستايل اللي كل واحد بيلعب عليها شوي وعادي
    المشكلة عندك البنت المحترمة لان بعض الناس خوات مش محترمات فعاوز تبقى كل البنات مش محترمات زي خواتة

  3. بتقول غلط نحكم على البنت من طريقه لبسها يبقى يا ريت أنت كمان ما تحكمش على المحجبات و المنقبات بالتخلف لأن هو ده التخلف بعينه و هي دي السطحيه و الهيافه حضرتك لو كنت بنت مش محجبه و أتحجبت هتعرف قيمه الحجاب و ليه ربنا فرضه ……. ربنا هو ألي أمر بيه و ربنا بيأمر بالخير و ألي فيه مصلحه لينا بس أحنا بعقولنا السطحيه دي مش بنفهم
    و الناس ألي عندها كبت هي الي بتحارب الأحتشام مش الي بيدعو للأحتشام هو الي عنده كبت …قدامه مليون طريقه يخرج بيها الكبت دا
    يا ريت نحترم رأي الغير و منغلطش فيه و لو كان فيه حد والدته كانت بتلبس ميكروجيب ده مان أيامهم لما المصريين ماكنش
    عندهم أي ثقافه دينيه و كانت عاداتهم كلها من الغرب الي حكموا بلدهم و عقولهم
    و مش ليبسي هو ألي هيدل على ثقافتي و خوفي على بلدي كام واحده من عارضات الأزياء الي بيلبسو أحسن ليبس تعرف أيه الفرق بين مجلس الشعب و مجلس الشورى ولا كام فنانه من الي بيقدوا رساله زي ما بيقولو تعرف أول {ئيس لمصر حكمها كام سنه و كان أسمه أيه؟

  4. خلاص خلى كل واحد فيكم يلبس امة مايوة وتمشى فى الشارع
    او اختة تبقى عريانة جنبة والناس تبص عليها وهو يبتسم
    علشان بيبصوا على جسمها علشان يبقى اية ……..متحضر

  5. نفسى اسال اللى كاتب المقالة دى
    انت تحب اختك تكون ماشية لابسة ضيق ومحذق
    والشباب يسخن عليها ويتخيل جسمها
    هو دة التحرر فى نظرك
    هى دى رجولتك
    ولما تلبس محترم اية المشكلة
    ولا هى لما تلبس عريان والشباب
    ياخد على كدة ياترى ساعتها هانبقى متحررين
    ولا البنات هاتستريح لو الشباب بطل يبص

  6. اللي فاهم الحريه من منظور العادجات القديمه وان الزم اتغير يبقى اسف يعني فهمه قاصر عنده عقم في عقله لان الحريه هي في التزام الدين الاسلامي اللي فيه العزه للمسلمين ….. وبدل يا اخي ما تتكلم عن فئه ضاله بيستخدموا زي الاسلام عشان يشوهوه اتكلم عن الاغلبيه الساحقه من المتبرجات ربنا يهديهم اللي برضو مليانين مصايب ….. انا معاك في حاجه وحده فقط هي ان التفكير لازم يكون مش شهواني او حيواني …… لكن ضدك تماما في كلامك عن النقاب والحجاب لما تكون فرض اللي خلقك واعطاك قوه تمسك قلم وتكتب واعطاك عقل تميز بيه اللي اعطاك كل النعم ديه هو اللي فرضه معقوله بعد ما انعم عليك تقوم تشتم في الفرض اتللي فرضه وتشوه صورته والله انك ما تتحمل عقابه لا انا ولا انت ولا البشر جميعا …… نصيحه من اخ ابعد عن التهكم والتشويه للدين لان انت مش قد عقاب ربنا على كده ….. وربنا يهديني ويهدي كل ضال مش عارف الصح ويصلح احوا بلدنا ويحفظها …….. لا صلاح ولا نجاح للبلد دي الا بالرجوع لله

  7. لا حول ولا قوة الا بالله
    لو حضرتك بتقول منحكمش على البنت
    اوك بلاش بقى النظره دى للمحجبات

  8. حقيقى اللى اختشوا ماتو
    احنا مالناش دعوة بزمان والا دلوقتى احنا طالما ارتضينا نكون مسلمين اى اننا قلنا يرب احنا مسلمين امورنا ليك ورضينا بحكمك وبتعليم دينك ورسولك يبقى ربنا هيسألنا عن عدم التزمنا بتعليم دينا
    لان كل الاسماء والمسميات الفكرية ديت هى من الاساس تدعو الى الانحطاط والرذيلة ونحلال المجتمع ماذا كشسب العالم من الرأسمالية الا الخراب ماذا كسب العالم من اللبيرالية الا الضياع وراء افكار هدامة ماذا كسب العالم من الشيوعية
    ولكن كسب العالم من الاسلام الكثير (الاسلام الحقيقى) المعتدل الوسطية من غير تشدد ولاتفريط


Comments RSS TrackBack Identifier URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s